ഹിജാബ് ധരിച്ചെത്തുന്ന കെന്‍സയ്ക്ക് ഇന്‍സ്ററഗ്രാമില്‍ മാത്രം 193,000 ഫോളോവേഴ്സ് ആണുള്ളത്. മൊറോക്കന്‍ സമൂഹവുമായി ബന്ധപ്പെട്ടാണ് കെന്‍സയുടെ പ്രവര്‍ത്തനങ്ങള്‍. മൊറോക്കോയിലെയും മിഡില്‍ ഈസ്ററിലെയും സ്ത്രീശാക്തീകരണമാണ് കെന്‍സയുടെ ലക്ഷ്യം. മൊറോക്കോയുടെ സമ്പന്നമായ സാംസ്കാരിക പൈതൃകത്തെ പൂര്‍ണമായും ഉള്‍ക്കൊണ്ടാണ് കെന്‍സയെ നിര്‍മിച്ചിരിക്കുന്നത്. പ്രേക്ഷകരുമായി 7 ഭാഷകളില്‍ കെന്‍സ സംവദിക്കും. 24 മണിക്കൂറും ആക്റ്റീവുമാണ്. 100 ശതമാനം എഐ മാത്രം ഉപയോഗിച്ചുള്ള വിവിധ സാങ്കേതിക വിദ്യകളാലാണ് കെന്‍സയുടെ രൂപവും ശബ്ദവും നിര്‍മിച്ചിരിക്കുന്നത്.
ഫ്രാന്‍സിനെ പ്രതിനിധീകരിച്ചിരുന്ന ലാലിന വാലിന, പോര്‍ച്ചുഗലിനെ പ്രതിനിധീകരിച്ചിരുന്ന ഒലീവിയ സി എന്നിവരും പരാമര്‍ശിക്കപ്പെട്ടു. രൂപം, ഓണ്‍ലൈന്‍ ഇന്‍ഫ്ലുവന്‍സ്, സാങ്കേതിക വിദ്യയിലെ സങ്കീര്‍ണത എന്നിവയെല്ലാം കണക്കിലെടുത്താണ് എഐ മിസ് ബ്യൂട്ടി കിരീടം പ്രഖ്യാപിച്ചത്.
അവസാന പത്തു പേരുടെ പട്ടികയില്‍ ഇന്ത്യയെ പ്രതിനിധീകരിച്ചിരുന്ന സാറാ ശതാവരിയും ഇടം പിടിച്ചിരുന്നു. രാഹുല്‍ ചൗധരിയാണ് സാറയെ നിര്‍മിച്ചിരുന്നത്. പ്രധാനമായും ആരോഗ്യം, ഫാഷന്‍ ട്രെന്‍ഡുകള്‍ എന്നിവയെയാണ് സാറാ കൈകാര്യം ചെയ്തിരുന്നത്. യാത്രയും ഫാഷനും ഇഷ്ടപ്പെടുന്ന ആരോഗ്യബോധമുള്ളയാള്‍ എന്നാണ് ഇന്‍സ്ററയില്‍ സാറ വ്യക്തമാക്കിയിരിക്കുന്നത്. 7,914 ഫോളോവേഴ്സാണ് ഇന്‍സ്ററയില്‍ സാറയ്ക്കുള്ളത്.
Comments: